வார்த்தைகளின் விளிம்பில்

வயலின் கலைஞர் - சி.சுப்ரமணிய அய்யர் (C.S.Iyer)

சி.வி.ராமனை தெரிந்த அளவிற்கு சி.சுப்ரமணிய அய்யரை (C.S.Iyer) தெரிந்திருக்க வாய்ப்பில்லை. ஒரு நோபல் பரிசால் இந்தியப் புகழ் அடைந்த சி.வி.ராமன், சந்திரசேகர் (இவர் மகன்) குடும்பத்தை சேர்ந்தவர் இவர். சி.வி.ராமனின் சகோதரர்.தன் தம்பி,  மகன் இருவரும் நோபல் பரிசைப் பெற்றவர்கள்;இவரோ இசை ஆர்வலர்,வயலின் இசைப்பதில் தேர்ந்த கலைஞர். The Art and Technique of Violin Play என்ற புத்தகத்தை 1941 எழுதியவர்.மெட்ராஸ் பிரசிடென்சியில் 1922 தன் முதல் கச்சேரியை ஆரம்பித்துவைத்து, தன் வாழ்நாள் முழுவதும் வயலினுக்காகவே உருகினார்.வயலின் வாசிப்பில் மேல் அவருக்கிருந்த ஆர்வம் ஐரோப்பா வரை கூட்டிச் சென்றது.

பல நாடுகளுக்கும் சென்று கிழக்கிசையை அறிமுகப்படுத்தினார். குறிப்பாக அவர் 1933இல் ஐரோப்பாவில் பல மேற்கிசை வயலின் இசைப்பவர்களுடன் மேடை கச்சேரி செய்தார். ரவிசங்கர் போல் கிழக்கு-மேற்கு இசை நுணுக்கங்களுக்கு தன் பயணங்கள் வழியே வித்திட்டவர். அதுவரை கிழக்கிசையின் மேல் பற்றுகொண்டு இந்திய இசையை கற்றுக் கொள்ள இந்தியாவிற்கு வந்தவர்களே அதிகம். முதல் முறையாக தன் வாழ்க்கையையே பாலமாக கொண்டு, தன் ஆராய்ச்சிகளிலிருந்து ஓய்வெடுத்து, இந்த பயணங்களை அவர் மேற்கொண்டார்.

அப்படி என்ன செய்தார்?

முதலில் வயலின் 18ஆம் நூற்றாண்டில் மேற்கிலிருந்து வந்த கருவி. இதை லாவகமாக கர்நாடக சங்கீதத்தில் புகுந்து கொண்டு, நம் 'இசை கலாசாரத்தோடு' ஒன்றிவிட்டது. இதனால் வயலினை மேற்கிசை கலைஞர்களுக்கு சொல்லிக் கொடுக்க ஒன்றும் இல்லை - என்ற எண்ணத்தை முதலில் மாற்றினார். மேற்கே, கர்நாடக சங்கீத கலைஞர்களைப்போல வயலின் மடியில் ஏந்தி வாசிப்பதில்லை. அவர்கள் நாற்காலியில் உட்கார்ந்துகொண்டு, காலில் படாதவாறு கைகளால் பிடித்துக்கொள்வார்கள். நம் கர்நாடக சங்கீத பாணி வித்தியாசமானது, கழுத்தில் முட்டுக்கொடுத்து, காலுடன் ஒரு பாலம் அமைத்திருப்போம் !!

இதை முதலில் எதிர்த்தார். இந்த cramped posture வயலினின் ஒலியை பல சுரஸ்தானங்களுக்கு எடுத்து செல்ல இயலாது எனவும், கை விரலில் எண்ணை தேய்த்துக்கொண்டு கம்பிகளை பிடிப்பதால் இயல்பான பிடிப்பு இல்லாமல் வழுக்கவும் சாத்தியம் அதிகம் என்றும் தடாலடியடித்தார்.

இந்த handling சமாசாரம் தவிர, சி.வி.ராமனுடன் சேர்ந்து வயலின் ஒலியமைப்புகளில் பல ஆராய்ச்சி செய்துள்ளார்.அதில் ஒன்றுதான் தானியங்கி வயலின் (Mechanical automatic Violin). இதை வடிவமைத்தவர் சி.வி.ராமன்.ஒலியின் அமைப்பை ஆராயவும், இசை கருவிகளை இசைப்பவர்கள் உண்டாக்கும் தப்புகளை பிரித்தாயவும் இந்த வயலினை உருவாக்கினார்.அழுத்தம் கொடுத்து இசைத்தால் கம்பிகளிலிருந்து வரும் ஒலியலைகளை பகுத்தாய்ந்தார்.இதன் மூலம் அவர் கண்டுபிடித்த இசைக் கூறுகள் - pitch, loudness and timbre - பற்றி பல கட்டுரைகள் எழுதியுள்ளார்.

மாஸ்டர்கள் எனக் கூறப்படும் யெஹுதி மெனுஹின், லால்குடி ஜெயராமன் போன்றோரிடம் தேனினும் இனிமையாக இசைக்கும் வயலின், மற்ற இசைக் கலைஞர்களிடம் கலப்பட ஒலியை - Wolf Tone - எப்படி உருவாக்குகிறது?

இதைப் பற்றி முதலில் கண்டுபிடித்ததும் சி.வி.ராமன். இதை நாம் ஊளை சுரம் என தமிழாக்கலாம்.

பெயரிலேயே தெரிந்திருக்க வேண்டும் - இது இனிமையான ஒலியல்ல (அப்படி கேட்பவர்கள் கண்டிப்பாக இசை விமர்சகர் ஆக முயற்சி செய்யலாம் !). வயலின் கம்பிகளை இசைக்கும்போது வரும் ஒலி, குறிப்பிட்ட அலைவரிசையில் (Frequency) உள்ளது. ஒவ்வொறு பொருளுக்கும் ஒருவித அலைவரிசை உண்டு. வாசிக்கும்போது வெளிப்படும் ஒலியின் நுண்ணலை (Octave frequencies) வயலின் அலைவரிசையுடன் ஒன்றானால் ஒரு ஒலி உருவாகும். இதுவே ஊளை சுரம்.

இதை சமன் செய்ய Wolf Note eliminator உபயோகப்படுத்துவர். பல வருடங்கள் ஒலி அமைப்புகளை ஆராயவே தன் நேரத்தை முழுவதும் செலவழித்தார்.இதைப் பற்றி இன்னும் தெரிந்து கொள்ள இங்கே சொடுக்கவும்

பிற்காலத்தில் ஒளி அமைப்புகளில் ஆராய்ச்சியை தொடங்கியதால், இந்த விவரங்கள் பிரபலமாகவில்லை. அபார திறனும், அதையும் தாண்டிய ஒருமுக பொறுமையுடன் ஆராய்ச்சிகளை மேற்கொண்ட சி.வி.ராமன் ,சி.சுப்ரமணிய அய்யர் வகையராக்களை தனித்துவம் வாய்ந்தவர்கள்.

இசை வடிவங்கள்

நீண்ட நாட்களாகவே ஒத்திசைவு(Symphony) இசைக் கோர்வை(Orchestra) தொகுப்புகளை பகுக்க முயற்சி செய்துகொண்டிருக்கிறேன்.

மோசார்ட்,பீத்தோவனிலிருந்து, ஷோன்பெர்க்,பியர் புலோ(Pierre Boulez),விஜய் ஐயர் இசை ஆக்கங்களை ஆரன் கோப்லாண்டின் (Aaron Copland) "What to listen in Music" என்ற புத்தகத்தின் மூலம் புரிந்து கொள்ள முயற்சிசெய்து கொண்டிருக்கிறேன். 1950 களில் வெளியான இந்த புத்தகத்தை ஆரன் தன் இசையமைப்பாளரின் அனுபவத்தை மட்டும் வைத்து எழுதியிருக்க இயலாது. பலதரப்பட்ட மக்களிடம் தன் இசையை கொண்டுசென்று ,அவர்கள் புரிந்து கொண்ட உணர்வுகளைக் கொண்டு எழுதியுள்ளார்

.

மேற்கிசையை அதன் வேரிலிருந்து ஆரம்பித்து ரொமாண்டிக் இசை கத்தோலிக்க இசை,12 சுருதிகளின் ஆரம்பம், ஷோன்பெர்கின் ஆராய்ச்சியில் வெளியான atonal இசைவகை பற்றி ஒரு முறையான தொகுப்பு இந்த புத்தகம்.லியனார்ட் பெர்ன்ஸ்டீனின் (Leonard Bernstein) "The Unanswered Question" புத்தகத்தைவிட அதிகமாகவே புரிந்தது.இருபதாம் நூற்றாண்டின் மாற்றங்கள் , குறிப்பாக ஷோன்பெர்கின் atonal இசை முயற்சி பலவித மாற்றங்களைக் கொண்டுவந்தது. அரிஸ்டோட்டில் காலத்திலிருந்து கணித முறைகளை இசை கையாண்டுவந்திருக்கிறது. 12 சுருதிகள், இசைக் கருவிகளின் Circle of Fifths - இவை கணித முறைகளின் வழியே செயல்பட்டு வந்திருக்கின்றன.Zither கருவியை பயன்படுத்தி Anton Karas இசைத்த இந்த இசை அற்புதமான tonal system ஆகும்

 

.

மேற்கத்திய இசை, குறிப்பாக ஒத்திசைவுகளின் கோர்வைகள் ஒரு ஆதார சுருதியை கொண்டிருக்கும் (எ.கா - Mozart Symphony in G Major). இந்த ஒத்திசைவு G என்னும் நாணை ஆதாரமாகக் கொண்டது.Circle of Fifths முறைப்படி Gயிலிருந்து மற்ற நாண்களுக்கு(C,F) தாவிச்செல்லும் இந்த ஒத்திசைவு , கடைசியில் G நாணிற்கே வந்து சேரும். இதைத் தான் ஆதார சுருதிகளின் வட்ட முறை. கடைசியில் சேரும் இந்த ஆதார சுருதியே இந்த முறை இசை நமக்கு முடிந்ததுபோல் ஒரு உணர்வையும் அதே சமயம் நிம்மதியையும் அளிக்கிறது. ஒத்திசைவின் ஆரம்பத்தில் உருவாகும் இந்த இறுக்கம், மெல்ல விலகி ஆதார சுருதி மறுபடி ஒலிக்கும்போது அமைதியுணர்வை தந்திடும். இதுவே பத்தொண்பதாம் நூற்றாண்டிற்கு முன் இசையின் வடிவம். மோஸார்டின் ஒத்திசைவுகளில் மிகவும் பிரபலமான Symphony no. 3KV 216 G Major இல் வரும் G நாணின் வருகை

:

ஆரம்ப இசை:

முடிவில்:

இந்த tonal வகையை ஷோன்பெர்க் உடைத்தெரிந்தார்.இந்த இசைவகை சுருதிகள் வட்ட முறைபடி இசைக் கோர்வை தொகுக்கப்படாது. இதனால் முடிவில் ஆதார சுருதிக்கு வரும் வேலை இந்த நாண்களுக்கு கிடையாது.இதனாலேயே atonal வகை இசையை வீட்டிற்கு திரும்பாத இசை எனக் கூறுவர். இதனால் avant-garde வகை இசை முயற்சிகள் முடிவில்லாதன்மையை கொண்டிருக்கும்.Pierre Boulezஇன் Symphony of Three Orchestras இதைப்போல ஒரு கணித எண் தொடர்களின் வழியே அமைக்கப்பட்ட ஒரு இசைக் கோர்வை. இந்த இசை எண்களின் Permutations வழியே கட்டப்பட்டுள்ளது. இதனால் இதன் நாண்கள் ஒன்றோடு ஒன்று தொடர்பில்லாதது போல தோன்றினாலும், ஒரு முடிவில்லாத இசை அமைப்பை கொண்டிருக்கும். இதை Golden Variations என கூறுவர்

.

 

ஆனால் இந்த கணிதவடிவங்கள் கடைசியில் தங்களின் Permutations வழியே tonal இசை வடிவை அடைவதை பல பண்களினால் நிரூபிக்கப்பட்டுள்ளது. இதனாலேயே இந்த நூற்றாண்டில் tonal இசை வகை மீண்டும் தலைதூக்கியுள்ளது

.

ஷோன்பெர்க் அமைத்த இந்த atonal வகை tonal வகையின் ஒரு சாத்தியமே என்றும் ; இது புரட்சியானதா அல்லது நம் காலத்தில் நிரூபிக்க இயலாத இயற்கையான இசை வடிவமா என்பதும் இப்போதுள்ள ஒரு கேள்வி.இதன் பதில் இன்னும் இசை ஆர்வலர்களையும்,அமைப்பாளர்களையும் வடிவ சோதனைக்கு உட்படுத்திக் கொண்டிருக்கிறது

.

வரும் வாரங்களில் இந்த இசை மோஸ்தர்களை இன்னும் சற்று விரிவாக எழுதலாம் என்ற எண்ணம். மேலும் கருணாமிர்தசாகரம் நூலில் அபிரகாம பண்டிதர் நிறுவிய இந்திய தமிழிசைக்கும் உள்ள தொடர்பையும் பார்க்கலாம்

.