வார்த்தைகளின் விளிம்பில்

கிதாரை மேடையேற்றியவர் - ஆன்ரே செகோவியா

எழுபத்து ஆறு வருடங்கள் கிதாரோடு வாழ்வை இணைத்துக்கொண்டு,கடந்த நூற்றாண்டில் ஈடில்லாத ஒரு இடத்தை பிடித்தவர் ஆன்ரே ஸெகோவியா (Andres Segovia). இவர் 1920களில் ஒத்தையாளாக folklore எனப்படும் கிராமிய வாத்திய இசையிலிருந்து கிதாரை அடுத்த கட்டமான கிளாசிகல் இசையை வாசிக்க ஆரம்பித்தவர்.அதுவரை கிதார் நகர மற்றும் கிராமப்புரங்களின் பொழுதுபோக்கு இசையாகவே இருந்து வந்தது.குறிப்பாக குளிர் காலங்களில் மதியான நேரங்களில் விவசாயிகள் தங்கள் நேரத்தைக் கடத்துவதற்காக கிராமிய இசையுடன் லூட் (lute) மற்றும் கிதார் இசைத்து வந்தனர்.

ரோமாண்டிக் இசை எனப்படும் மிகுஉணர்ச்சி இசை வடிவங்கள் ஆதிக்கம் செலுத்திய காலங்களில், குறிப்பாக 1800களில் கிதாரை கீழ்நிலை இசைக் கருவியாக மதித்தனர்.ப்ராம்ஸ் (Brahms) போன்ற இசையமைப்பாளர்கள் கூட கிதாரை தங்கள் இசை கருவிகளின் கூட்டத்தில் ஒன்றாகக் கருதவில்லை.வயலின்,வயலா,செல்லோ,பியனோவை மதித்தவர்கள் கிதாரை ஏழைகளுக்கான வாத்தியக் கருவியென ஒதுக்கினார்கள்.இதைப்போலவே பல அற்புதமான சத்தங்கள் கொடுத்த ஜெம்பா டிரம்ஸ் போன்ற ஆப்ரிக்க இசை கருவிகள் கூட மேடையேர இருபதாம் நூற்றாண்டு வரை காத்திருந்தன.இதற்கு முக்கிய காரணம் உலகத்தில் பரவியிருந்த காலனிய ஆதிக்கம், ரோமாண்டிக் இசை உலகை ஆட்டிப்படைத்துக்கொண்டிருந்த காலகட்டத்தில் மேற்கத்திய நாடுகளில் இசை மேடையேற இருக்கவேண்டிய பண மற்றும் அரசியல் பலம். இதுபோன்ற எதுவும் இல்லமலிருந்த்ன கிதார்,ஆப்ரிக்க இசை கருவிகள்.

கிதாரை மேடையேற்றிய பெருமை ஆன்ரே ஸெகோவியாவையே சாரும்.ஸ்பெயின் நாட்டில் பிறந்த இவர், நான்காம் வயதில் தன் மாமாவிற்கு இருந்த கிதார் ஆர்வம் இவருக்கும் தொற்றிக் கொண்டது.தன் பதினாறாவது வயதில் மட்ரிடில்(Madrid) பிரான்ஸிஸ்கா டெ அஸிஸ் டார்ரேகா (Francisco de Asís Tárrega) , மற்றும் பாக்கின் (Bach) இசையமைப்புகளை இசைத்தார்.இது பல இசைக்கலைஞர்களுக்கு கேளிக்கையானது.ஏனென்றால் கிதாரில் அதுவரை யாருமே கிளாசிகல் இசையை வாசித்ததில்லை.கிதார் போன்ற வாத்தியங்களால் கருவியின் சத்தத்தைக் கூட்ட இயலாது.ஆனாலும் அந்த இசை நிகழ்ச்சி பலராலும் போற்றப்பட்டு ஸெகோவியா மிகப் பிரபல இசை கலைஞரென போற்றப்பட்டார்.

பின்னர் 1928இல் நியூயார்க் சென்று தன் இசையால் பல இசைக்கலைஞர்களை கிதார் பற்றி புரியவைத்தார்.இதை கேட்ட மக்கள் மட்டுமல்ல இசைக் கலைஞர்களும் கிதாரை வைத்து பாரம்பரிய இசை கூட அற்புதமாக இசைக்க முடியுமென தெரிந்துகொண்டார்கள்.மெதுவாக அவரின் புகழ் ஐரோப்பாவில் மட்டுமல்லாது மேற்கே முழுவதும் பரவியது.குறிப்பாக இரண்டாம் உலகப்போருக்குப் பிறகு அவர் லண்டனிலிருந்து இசைத்த பாக் மற்றும் பீத்தாவென் இசைக்கோர்வைகள் ரசிகர்களை மட்டுமல்லாது பல இசையமைப்பாளர்களையும் கட்டிப்போட்டுவிட்டது.

அவர் இசைத்த பீத்தவெனின் Bourree,Estudia Remembranza இசைதொகுப்புகள் மிகப் பிரபலமடைந்தன.

Estudia Remembranza

Bourree

ஸெகோவியா பல இசைக்கலைஞர்களுக்கு ஆசானாகவும் இருந்திருக்கிறார்.அப்போது அவர் ஐந்து குறிக்கோள்களை தன் மாணவர்களிடமும்,இசை உலகத்திடமும் உரைத்தார்.அதில் குறிப்பாக கிராமிய இசையிலிருந்து கிதாரை பிரித்து அதற்கென தனி இடத்தை இசைக்கருவிகளின் குழுவில் சேர்ப்பது, சிம்பனி இசை உலகத்தில் கிதாரை ஒரு முக்கிய கருவியாக்குவது.இந்த இரண்டையும் அவர் வாழும் காலத்திலேயே சாதித்து காட்டினார்.

கிராமி உட்பட பல விருதுகளை வாங்கிய ஸெகோவியா பாக்கின் மிக கடினமான இசைக்கோர்வையான Chaconneக்கும் கிதார் வடிவம் கொடுத்தார்.ஜொக்கின் ரோட்ரிகோ(Joaquin Rodrigo),ஜான் வில்லியம்ஸ்(John Williams) போன்ற மிகப்பெரிய கலைஞர்கள் ஸெகோவியாவிடம் பயின்றவர்களே.

இருபதாம் நூற்றாண்டில் பல காலமாக ஒதுக்கப்பட்ட marginality மைய நீரோட்டத்தில் வந்து சேர்ந்ததில் கிதாரும் ஒன்று.

கிதார் கலைஞர்கள் - கிதாரை மேடையேற்றியவர்

எழுபத்து ஆறு வருடங்கள் கிதாரோடு வாழ்வை இணைத்துக்கொண்டு,கடந்த நூற்றாண்டில் ஈடில்லாத ஒரு இடத்தை பிடித்தவர் ஆன்ரே ஸெகோவியா (Andres Segovia). இவர் 1920களில் ஒத்தையாளாக folklore எனப்படும் கிராமிய வாத்திய இசையிலிருந்து கிதாரை அடுத்த கட்டமான கிளாசிகல் இசையை வாசிக்க ஆரம்பித்தவர்.அதுவரை கிதார் நகர மற்றும் கிராமப்புரங்களின் பொழுதுபோக்கு இசையாகவே இருந்து வந்தது.குறிப்பாக குளிர் காலங்களில் மதியான நேரங்களில் விவசாயிகள் தங்கள் நேரத்தைக் கடத்துவதற்காக கிராமிய இசையுடன் லூட் (lute) மற்றும் கிதார் இசைத்து வந்தனர்.

ரோமாண்டிக் இசை எனப்படும் மிகுஉணர்ச்சி இசை வடிவங்கள் ஆதிக்கம் செலுத்திய காலங்களில், குறிப்பாக 1800களில் கிதாரை கீழ்நிலை இசைக் கருவியாக மதித்தனர்.ப்ராம்ஸ் (Brahms) போன்ற இசையமைப்பாளர்கள் கூட கிதாரை தங்கள் இசை கருவிகளின் கூட்டத்தில் ஒன்றாகக் கருதவில்லை.வயலின்,வயலா,செல்லோ,பியனோவை மதித்தவர்கள் கிதாரை ஏழைகளுக்கான வாத்தியக் கருவியென ஒதுக்கினார்கள்.இதைப்போலவே பல அற்புதமான சத்தங்கள் கொடுத்த ஜெம்பா டிரம்ஸ் போன்ற ஆப்ரிக்க இசை கருவிகள் கூட மேடையேர இருபதாம் நூற்றாண்டு ஆனது.இதற்கு முக்கிய காரணம் உலகத்தில் பரவியிருந்த காலனிய ஆதிக்கம், ரோமாண்டிக் இசை உலகை ஆட்டிப்படைத்துக்கொண்டிருந்த காலகட்டத்தில் மேற்கத்திய நாடுகளில் இசை மேடையேற இருக்கவேண்டிய பண மற்றும் அரசியல் பலம். இதுபோன்ற எதுவும் இல்லமலிருந்த்ன கிதார்,ஆப்ரிக்க இசை கருவிகள்.

கிதாரை மேடையேற்றிய பெருமை ஆன்ரே ஸெகோவியாவையே சாரும்.ஸ்பெயின் நாட்டில் பிறந்த இவர், நான்காம் வயதில் தன் மாமாவிற்கு இருந்த கிதார் ஆர்வம் இவருக்கும் தொற்றிக் கொண்டது.தன் பதினாறாவது வயதில் மட்ரிடில்(Madrid) பிரான்ஸிஸ்கா டெ அஸிஸ் டார்ரேகா (Francisco de Asís Tárrega) , மற்றும் பாக்கின் (Bach) இசையமைப்புகளை இசைத்தார்.இது பல இசைக்கலைஞர்களுக்கு கேளிக்கையானது.ஏனென்றால் கிதாரில் அதுவரை யாருமே கிளாசிகல் இசையை வாசித்ததில்லை.கிதார் போன்ற வாத்தியங்களால் கருவியின் சத்தத்தைக் கூட்ட இயலாது.ஆனாலும் அந்த இசை நிகழ்ச்சி பலராலும் போற்றப்பட்டு ஸெகோவியா மிகப் பிரபல இசை கலைஞரென போற்றப்பட்டார்.

பின்னர் 1928இல் நியூயார்க் சென்று தன் இசையால் பல இசைக்கலைஞர்களை கிதார் பற்றி புரியவைத்தார்.இதை கேட்ட மக்கள் மட்டுமல்ல இசைக் கலைஞர்களும் கிதாரை வைத்து பாரம்பரிய இசை கூட அற்புதமாக இசைக்க முடியுமென தெரிந்துகொண்டார்கள்.மெதுவாக அவரின் புகழ் ஐரோப்பாவில் மட்டுமல்லாது மேற்கே முழுவதும் பரவியது.குறிப்பாக இரண்டாம் உலகப்போருக்குப் பிறகு அவர் லண்டனிலிருந்து இசைத்த பாக் மற்றும் பீத்தாவென் இசைக்கோர்வைகள் ரசிகர்களை மட்டுமல்லாது பல இசையமைப்பாளர்களையும் கட்டிப்போட்டுவிட்டது.

அவர் இசைத்த பீத்தவெனின் Bourree,Estudia Remembranza இசைதொகுப்புகள் மிகப் பிரபலமடைந்தன.

Estudia Remembranza

Bourree

ஸெகோவியா பல இசைக்கலைஞர்களுக்கு ஆசானாகவும் இருந்திருக்கிறார்.அப்போது அவர் ஐந்து குறிக்கோள்களை தன் மாணவர்களிடமும்,இசை உலகத்திடமும் உரைத்தார்.அதில் குறிப்பாக கிராமிய இசையிலிருந்து கிதாரை பிரித்து அதற்கென தனி இடத்தை இசைக்கருவிகளின் குழுவில் சேர்ப்பது, சிம்பனி இசை உலகத்தில் கிதாரை ஒரு முக்கிய கருவியாக்குவது.இந்த இரண்டையும் அவர் வாழும் காலத்திலேயே சாதித்து காட்டினார்.

கிராமி உட்பட பல விருதுகளை வாங்கிய ஸெகோவியா பாக்கின் மிக கடினமான இசைக்கோர்வையான Chaconneக்கும் கிதார் வடிவம் கொடுத்தார்.ஜொக்கின் ரோட்ரிகோ(Joaquin Rodrigo),ஜான் வில்லியம்ஸ்(John Williams) போன்ற மிகப்பெரிய கலைஞர்கள் ஸெகோவியாவிடம் பயின்றவர்களே.

இருபதாம் நூற்றாண்டில் பல காலமாக ஒதுக்கப்பட்ட marginality மைய நீரோட்டத்தில் வந்து சேர்ந்ததில் கிதாரும் ஒன்று.

ஸ்பானிஷ் கிதார் கலைஞர்கள்

கிதாரை எவ்வளவு விதங்களில் வாசிக்க முடியம்? மின்சாரத்தில் இயங்கும் கிதார் தந்திகளின் வழுக்கல்களிலும் அவற்றின் சுருதி கூட்டலினாலும் விதவிதமான நுண்ணலைகளை இயக்க முடியும்.இவற்றைத் தவிர acoustic மாடல் கிதார்களில் ஒருசில பயன்பாடுகளே சாத்தியம்,குறிப்பாக சில சுரஸ்தானங்களை(octave) மட்டுமே எட்ட முடியும்.

மெக்ஸிகோவின் மூலையிலிருந்து வந்த ரோட்ரிகோ மற்றும் காப்ரீலா(Rodrigo and Gabriela) தங்கள் கிதார்களில் செய்யும் விளையாட்டுகள் இதுவரை இல்லாத ஊடுபாவங்களை கிதார் இசையில் திறந்து வைத்திருக்கிறது.பல்லால் தந்திகளை இசைத்த ஜிமி ஹெண்ட்ரிக்ஸ் (Jimi Hendrix),பலவிதமான தாளங்களில் சுரஸ்தானங்களை (octave) இசைத்த ஜான் மெக்லாக்லின் (John Mclaughlin) வரிசையில் இந்த ஜோடி தங்களுக்கென நிலையான இடத்தை progressive rock இல் பிடித்திருக்கிறார்கள்.

கிதார் தந்திகளில் தனிச்சுர இசையையும் (melody) , தங்கள் கிதாரின் மற்ற மரச்சதுரங்களில் தாளங்களையும் கையாள்வது இந்த ஜோடியின் தனித்தன்மை.இதனாலேயே இவர்களின் இசையில் சுரம்,தாளம் ஒரு அற்புதமான இசைச் சேர்கையை உருவாக்குகிறது. சுர அடுக்குகளை (chords) ஆதாரமாக வைத்து இசைக்கும் இவர்கள் தாளத்திற்கு நம் தமிழிசையின் கொன்னக்கோல் முறையை கையாண்டிருப்பது மேலும் சிறப்பு. ஜான் மெக்லாக்லின் ஏற்கனவே வி.செல்வகணேஷுடன் (விக்கு புதல்வன்) இணைந்து Remember Sakthi என்ற தொகுப்பில் தாள வாத்திய முறைகளுடன் இசைத்திருந்தார்.

இந்த Ixtapa என்ற பாடல் ,அதே பேரில் மெக்ஸிகோவின் கிழக்கு பகுதியிலுள்ள சிறிய ஊர்.இந்த ஊரில் சந்தித்த இந்த இருவரும்,தங்களிடமிருந்த புதுவிதமான கிதாரை விற்றார்கள்.அந்த பணத்தில் ஒரு acoustic கிதாரும், மேற்கு ஐரோப்பாவிற்கு ஒருவழி பயணசீட்டும் வாங்கிக்கொண்டார்கள்.அவர்கள் வந்து சேர்ந்த முதல் இடம் ஐயர்லாந்து.அங்கே buskers - தரைக்குக் கீழே செல்லும் ரயில் பிளாட்பாரங்களில் இசைப்பது- இந்த ஜோடி வாசிக்க ஆரம்பித்தது.இதைத் தொடர்ந்து தங்களுக்கென ஒரு பாணியை உருவாக்கிக் கொண்டதாலும் ,அந்த வழியே சென்ற ரோபி லகாடோஸ் (Roby Lakatos) கண்களில் பட்டதாலும் பிரபலமடைந்தனர். 'அசுர வித்வான்' என வயலினில் பெயர் வாங்கிய ஹங்கேரிய கலைஞர் ரோபி இவர்களின் ஆதர்சம். ரோபின் உதவியால் அவர்களின் முதல் தொகுப்பு 'Foc' வெளியானது.

ஆனால் 2006இல் வெளியான 'Rodrigo y Gabriela' என்ற தொகுப்பே ஐரோப்பாவில் இவர்களுக்கு புகழைத் தேடித்தந்தது.அதிலும் ,இந்த தொகுப்பில் வெளியான 'Diablo Rojo','Satori' மற்றும் 'Stairway to Heaven' (Led Zeppelin இன் பாடல்) இளைஞர்களை இவர்கள் பக்கம் இழுத்துச் சென்றது.வரிசையாக ஐரோப்பாவின் பல ஊர்களிலும்,தொடர்ந்து ஜப்பானிலும் இந்த ஜோடிக்கு அமைந்த வரவேற்பு கிதாருக்கு இருக்கும் மோகம் மட்டுமல்ல ஸ்பெய்னின் கிதார் மாஸ்டர்களுக்குள்ள உலகலாவிய மதிப்பே காரணம்.

ஜோயாகின் ரோட்ரிகோ (Concierto de Aranjuez இசையமைத்தவர்) - இவர் ஸ்பெயினின் கிதார் மகாபுருஷர்களில் ஒருவர்.இவர் பாரம்பரியத்தில் வந்தவர்கள்தான் ஃபலமென்கோ (Flamenco) இசைகலைஞர்கள்.

இவர்கள் உருவாக்கிய பல சுர அடுக்குகளும், ஸ்பானிஷ் கிதாருக்கென தனியாகச் செய்த தந்திகளும், இவை எல்லாவற்றையும் விட இசை-வாழ்க்கை மேல் இவர்களுக்கு இருக்கும் காதலுமே இந்த உலகலாவிய வீச்சுக்கு காரணமென தோன்றுகிறது.